TEJO | Tutmonda Esperantista Junulara Organizo

Jam venis la tempo (re)membriĝi en TEJO/UEA por 2009! Profitu de la avantaĝoj, kiujn donas TEJO-membreco kaj ricevu la novan jarlibron kaj novajn numerojn de Kontakto kaj TEJO-tutmonde. Vi havos ankaŭ pli prezfavoran aliĝon al diversaj eventoj, inkluzive IJK, IS kaj AS, do hastu!

Vi povas tion rekte fari en la aliĝpaĝo. Ni antaŭĝojas vidi vin kiel membron en la estontaj renkontiĝoj!

La 9an de junio okazos tutmonda sesio de la KER-ekzamenoj (pri lingvo-scioj laŭ la Komuna Eŭropa Referenckadro). Laŭ la alvokoj 25 organizaĵoj el 13 landoj anoncis sian intencon organizi sesion en tiu tago.

Ĉu vi jam ekzameniĝis?
Kaze de sukcesa ekzameno je nivelo C1, TEJO redonas nun al siaj membroj 7,50 eŭrojn de la ekzameno-kostoj (15 € se estas kompleksa — skriba kaj parola — ekzameno).

Muzaiko estas kunvolontula tuttempa, tutesperanta kaj tutmojosa retradio, kia ĝis nun ne ekzistis en Esperantujo.

Junaj ĵurnalistoj el diversaj sferoj de amas-komunikiloj: inter 22^a de aprilo kaj 2^a de majo okazos akademia sesio pri la supra temo, en Aleksandrio, Egipto. La partopreno estas malferma al gejunuloj, 18-35 -aĝaj, el la landoj de EU kaj la sekvaj: Albanio, Alĝerio, Bosnio kaj Hercegovino, Egipto, Jordanio, Kroatio, Libano, Maŭritanio, Monako, Montenegro, Maroko, Palestina Aŭtonomio, Sirio, Tunizio kaj Turkio.

Kvankam la laborlingvo de la akademio estos la angla, ni ŝatus konigi al niaj membroj la ŝancon partopreni en tiu interesa aranĝo. TEJO ŝatus substreki ke ĝi kontraŭas diskriminacion ankaŭ laŭ aliaj kriterioj: sekve de la nomo de la aranĝo, “Eŭro-Mediteranea Akademio”, ne klaras al ni kial certaj landoj estis ellasitaj. Ni aparte kuraĝigas kandidatiĝon de civitanoj de la ellasitaj ŝtatoj, kiuj posedas eŭropan civitanecon. Atentu pri la limdato: 22a de februaro.

Ĉu vi emus vive raporti el Rio de Ĵaneiro pri la UN-konferenco de Daŭripova Evoluo (RIO+20)? Se vi estas juna ĵurnalisto el Eŭropo kiu ofte raportas pri daŭripovaj temoj (aŭ emas ofte fari tion), kaj flue regas la anglan, legu la suban alvokon.

Itala Esperanto-Federacio kaj la Komunumo Mazara-del-Vallo (Sicilio) interkonsentas pri malfermo de Centro por Interkulturo kaj Esperanto en la ĉeplaĝa sicilia urbo.
Por ĝin aktivigi ni serĉas:

Skolta Esperanto Ligo, preparas novan strategian agadplanon por memorigi ĝian 100-jarigon en 2018. La ligo de Esperanto parolantaj geskoltoj planas revigligi ĝian agadon kaj oferi novan programproponon por la skolta movado per la popularigado de diverseco uzante la internacian lingvon.

SEL, la plej malnova internacia skolta organizo planas agi en la kampoj de informado (pri Esperanto en naciaj skoltmedioj ĉi-jare), trejnado (trejnseminarioj por novaj aktivuloj en 2011) kaj aplikado (internacia skolta tendaro en 2012). SEL bezonas geesperantistojn, iamajn au nunajn geskoltojn, kiuj volus kunlabori loke kun naciaj skoltasocioj au internacie ene de SEL. Se Vi volas scii pli, bonvolu viziti esperanto.org/skolta kaj skribi al SEL.Reaktivigo@gmail.com por ricevi pliajn informojn.

TEJO Tutmonde 2010:1 nun haveblas en la reta teko de UEA!

La ĉi-foja numero prezentas, inter aliaj, raporto pri la ĉi jara IJF, la agadon de de PEJ kaj intervujon kun komisiitoj de TEJO.

Baldaŭ alvenos ĝi ankaŭ ĉe via hejmo!

La esperanta Vikipedio organizas dum aprilo grandan konkurson por instigi verkadon. Tiu konkurso estas malfermita al ĉiuj kiuj pretas kontribui, spertaj vikipediistoj aux ne.

La konkurso premias ne nur kvanton, sed ankaux grave kvaliton juĝante la plibonigadon de artikoloj kaj aprezante bonan laboron de la plej lertaj kontribuantoj.

Ekde 2010, la membroj de UEA 2010 kiu estas en TEJO aĝo (malpli ol 30) ricevos TEJO membro-karton.

Tiu nova membrokarto ne anstatauxas la UEA membrokarton, ĝi simple havas la saman rolon. Tiukonsekvence, oni devas ankaux glui kvitancmarkon por ke ĝi estus valida. Ambaux membrokartoj de UEA kaj de TEJO validas por peti ekzemple rabaton por Kongreso.

Ĉu vi partoprenis en interesa renkontiĝo? Eble vi regule aktivas en via loka Esperanto-klubo kaj de temp' al tempo organizas ion por-esperantan. Aŭ eble vi ĵus uzis Pasportan Servon por vojaĝi kaj vi ŝatus diskonigi al multaj homoj vian ĝojon! Aŭ eble vi emas priskribi la emociojn kiujn lasta disko de Vinilkosmo donis. Aŭ eble vi havas sensacian ideon por antaŭenigi la junularan movadon!

Se vi respondis 'jes' al unu el la demandoj, ne atendu tro: verku artikolon por TEJO-Tutmonde!

Sendu ĝis la 20a de Marto 2010 por ke ĝi aperu en la sekva TT!

Kontaktu:

Nicola (TT-redaktoro)
tejo-tutmonde ĈE tejo.org
msn: nicola.ruggiero ĈE email.it
skajpo: nicolaruggiero

Estis lancxita nova virtuala komunumo de esperantistoj:
http://esperanto.com/

Gxi ankaux enhavas grupon de TEJO.

Karaj Legantoj de Kontakto!

Via opinio pri la revuo estas por ni ege grava. Tial ni decidis fari enketon, per kiu ni volas ekscii, kion vi ŝatas, malŝatas kaj volus havi en la revuo. Tio helpos al ni plibonigi Kontakton kaj prepari ĝin ĝuste laŭ via plaĉo.

Karaj samideanoj, ni ŝatus prezenti projekton "Traduku fabelon" organizata enkadre de la 14a Internacia Lingva Festivalo (Rusio, Ĉeboksari, 12-18.10.2009).

En la Universitato UAM de Poznan okazos unujara Esperanto-instruista studado – sed nur, se troviĝos sufiĉe da aliĝoj.

Limdato por aliĝi estas 31a de aŭgusto 2009.

ILEI kaj UEA donas stipendiojn por partoprenantoj de tiuj kursoj, por tio necesas aplikiĝi ĝis la 2a de septembro (sed ankaŭ ĝis la 31a de aŭgusto al la kurso).

Agu rapide!

Pliaj detaloj sur la ILEI-retpaĝo.