TEJO | Tutmonda Esperantista Junulara Organizo

TEJO ĝojas anonci ke la nova redaktoro de Kontakto dum la venontaj du jaroj estas Rogener Pavinski.

Rogener estas brazilano, filmisto, kunkreinto de la DVD "Esperanto estas", muzikisto i.a. voĉo de Supernova, kaj eksa estrarano de TEJO (2007-2009).

Rogener estis elektita de la estraro de TEJO en konkurso kun pli ol 20 kandidatoj. Post longa pripensado kaj multaj intervjuoj la estraro prijuĝis Rogener-n kiel la plej bona kandidato.

La nova redaktoro eklaboros laŭ nova koncepto, ellaborita surbaze de legantara enketo.

- "Mi antaŭĝojas je refreŝigo de Kontakto kun nova koncepto".
Gregor Hinker, prezidanto de TEJO

- "Mi tre kontentas pri la elekto de Rogener. Li havas valorajn spertojn kiel redaktoro de Momenton!, brazila e-gazeto, kaj povos per sia vasta kontaktaro allogi kontribuantojn el diversaj partoj de Esperantujo".
Oleksandra Kovyazina, vicprezidanto de TEJO

- "Mi multe dankas la konfidon, kiun TEJO-estraro havas je miaj kapabloj. Ni strebos doni novan vivon al la revuo, labori por ke ĝi estu pli alloga, kultura kaj freŝtema. Ni planas multajn novaĵojn kaj invitas la esperantistojn partopreni en la kreado de tiu nova Kontakto".
Rogener Pavinski

La unua numero redaktota de Rogener estos numero 2010:05.