TEJO | Tutmonda Esperantista Junulara Organizo

La reta (plenkolora) pdf-versio de "Kontakto 2007:5" jam haveblas ĉe la Reta Jarlibro de UEA (vizitu http://reto.uea.org/ kaj elektu la sekcion "Teko"). ĉi numero havas temon ekologio.
Interalie, vi trovos ĉi-foje la meditojn de profesia biologo pri la moderna stato kaj eĉ sencoj de "ekologio", iom polemikan artikolon pri la naturprotektaj mitoj, kelkajn skizojn al la ekologia portreto de la Azova Maro, rakonton pri la unika trolebusa linio en Krimeo kaj priskribon de pozitivaj ekologiaj trajtoj de vegetarismo. Krome, vin atendas la rakonto pri la negativaj postsekvoj de plastaĵ-uzado kaj raportoj pri la natur-defendaj aktivaĵoj kaj iniciatoj en Pollando kaj Brazilo.

Mi kore invitas vin kontribui al la sekvaj numeroj, kies temoj estas:

Numero 222(2008:1). La ĉef-temo – "Neordinaraj hobioj" (la limdato – la 1a de februaro)
Numero 223(2008:2). La ĉef-temo – "Teknologioj kaj scienco" (la limdato – la 1a de aprilo)
Numero 224 (2008:3). La ĉef-temo – "Edukado tra la mondo" (la limdato – la 1a de junio)

Ankaux alitemaj kontribuoj, proponoj kaj atentigoj estas bonvenaj kaj tre atendataj!

Amike,
Pauxlo Mojxajev, Kontakto-redaktoro