You are here

Hejmo › Forums › Komitato

Elekto de Komitatanoj B

lun., 2012-03-05 00:01 — LukiZ
Karaj individuaj membroj de TEJO! Ni ĝojas anonci al Vi, ke Vi havas la oportunon voĉdoni pri Komitatanoj B por la oficperiodo 2012-2014. Laŭ artikolo 3.3 de la Regularo kaj laŭ Reglamento pri elekto de Komitatanoj B, la individuaj membroj elektas Komitatanojn B kiel siajn reprezentantojn en la Komitato de TEJO. Oni elektos 4 Komitatanojn B por la periodo 2012-2014. Kandidatiĝis 7 homoj:
  • Sébastien Denux
  • Paweł Fischer-Kotowski
  • Ronald Baby González
  • Magnus Henoch
  • Zsófia Pataki
  • Wang Shanshan
  • Przemysław Wierzbowski
Ĉiuj kandidatiĝoj estas troveblaj ĉi tie. En la pakaĵo Vi trovos detalajn informojn pri la kandidatoj kaj ankaŭ rekomendajn leterojn de iliaj subtenantoj. Krome sekvu ankaŭ TEJO-Tutmonde por pliaj detaloj. Atentu! Partopreni la balotojn rajtas nur individuaj membroj de TEJO. Se Vi ankoraŭ ne (re)membriĝis por la jaro 2012, Vi povas tuj ekscii kiel fari tion en la paĝo pri membriĝo. Voĉdoni eblas pere de papera balotilo sendata poŝte al ĉiuj individuaj membroj de TEJO. Detalaj informoj kiel voĉdoni troviĝas en la letero sendita al la membroj. Plej grave: la balotilo devas atingi la Centran Oficejon plej laste la 30-an de aprilo 2012 por esti valida, do (re)membriĝu tuj, se Vi volas partopreni la elektojn!
AlkroĉaĵoGrandeco
Elekto de Komitatanoj B por la oficperiodo 2012-2014.zip23.18 KB
Letero pri elekto de Komitatanoj B 2012 - reta.pdf581.93 KB
Afiŝita en: 
Komitato
sab., 2012-03-10 18:49 — Marcos

La plejmulto de la dosieroj pakitaj en la zip-dosiero enhavas ne-askiajn simbolojn en siaj dosiernomoj. Tio kaŭzas nenecesajn problemojn: Ekzemple en mia Ubuntu-sistemo, la normala programo por malpaki zip-dosierojn ne kapablis malpaki la dosierojn kun ne-askiaj dosiernomoj. Mi nur sukcesis malpaki ilin per uzo de "unzip"-ordono en la terminalo, sed tion verŝajne ne sukcesos fari nekodemuloj (kaj ja ekzistas pli kaj pli da Linuks-uzantoj kiuj ne estas kodemuloj). Pri problemoj en aliaj sistemoj mi ne scias, sed povas imagi ke ankaŭ tie estiĝas iaj problemoj. Plej bone estus, se la zip-dosiero estus refarita sen ne-askiaj dosiernomoj, por ŝpari al la homoj nenecesajn problemojn.

mer., 2012-03-14 14:22 — LukiZ

Dankon pro la atentigo! Ĉe vindozaj komputiloj dosieroj malfermiĝis senprobleme. Jam la pakaĵo estas ŝanĝita, do ĉe ĉiuj devus funkcii bone.