TEJO | Tutmonda Esperantista Junulara Organizo

Estimataj,

La programo de la venonta Iberia renkontiĝo ekaspektas bunta, abunda kaj interesa. Elstaras la koncerto de JoMo!

Sed ankaŭ elstaras -laŭ mi- la tradiciaĵoj kiel elmontrado pri tradicia sporto "pilota valenciana" kaj ateliero pri improvizaj kantoj "albades" kaj "cant d'estil". Kompreneble ankaux indas la debato pri lingvaj rajtoj, la prezento de lokaj sociaj movadoj ne esperantaj sed esperanto-amikaj, enkonduka ateliero por malesperantistoj kaj dimanĉa kolektivan paelumado.

Sur la retejo de la renkontiĝo jam videblas la programo: http://www.esperanto.cat/ir2008/
aux vidu la provizoran programon rekte sur: http://www.esperanto.cat/ir2008/images/programo_afisxa.pdf

Se vi ankoraŭ ne aliĝis, ne hezitu tuj fari, ĉefe se vi deziras ne tranokti en amasloĝejo sed en gastejo. Mi pensas ke la renkontiĝo vere indas.

Mi petas disvastigi la mesaĝon

Kore salutas

Farri