TEJO | Tutmonda Esperantista Junulara Organizo

Internacia Konkurso pri Hanojo, nomita: Hanojo - via rendevuejo. en 6 lingvoj, inkluzive Esperanto: Jen estas la ligilo.

INTERNACIA KONKURSO PRI STUDADO DE THANG LONG – HANOJO
"HANOJO – VIA RENDEVUEJO' 20 2008

Karaj amikoj,

La Internacia Konkurso por Studado de Thang Long – Hanojo "Hanojo - via rendevuejo" estas organizita de 2000 ĝis 2007, kun ĉiujara
malsama temo. Ĉiuj tiuj temoj proponitaj de la Organiza Komitato celas helpi internacian amikaron pli bone konatiĝi pri historio, kulturo de Thang Long citadelo dum la pasintaj jarcentoj.

Komence, la nura lingvo de la konkurso estis Esperanto, sed de tri lastaj jaroj, krom Esperanto kiel antaŭe, la konkurso ampleksiĝis al 6 lingvoj (angla, franca, rusa, ĉina, Esperanto kaj vjetnama). Ĉiujare la konkurso allogas milojn da partoprenantoj el multaj naciecoj en la mondo. Multaj elkoraj skribaĵoj esprimas profundan simpation al la Ĉefurbo
Hanojo kun miljara tradicia kulturo, kie troviĝas multe da famaj historiaj vestiĝoj kaj vidindaĵoj konataj de multnombraj amikoj en la mondo kaj al la ĉiam amikiĝemaj kaj gastemaj hanojanoj.

Por efektive kontribui al la agadoj orientitaj al la miljara jubileo de Thang Long – Hanojo, celante ankaŭ daŭre valorigi kaj heredi la sukcesajn atingaĵojn, la Organiza Komitato de la
Internacia Konkurso pri Studado de Thang Long – Hanojo "Hanojo – via rendevuejo" daŭrigas la perretan konkurson por 2008 kun temo "Studado de historiaj konstruaĵoj kaj kulturaj heredaĵoj de
Hanojo". Malsame ol pasintaj jaroj, kun la ĉi-jara temo, krom la konoj pri historiaj kulturaj konstruaĵoj kaj heredaĵoj, la Organiza Komitato deziras, ke la konkursanoj pli profundiĝu en la studado de Hanojo - urbo kun miljara kultura tradicio, dinamika urbo en la erao de malfermiĝo kun ties atingoj survoje al internacia integriĝo.

La Organiza Komitato honore invitas la internacian amikaron kaj la vjetnaman komunumon loĝantan eksterlande amantajn Hanojon daŭre partopreni la konkurson por pli kaj pli koralligiĝi kun Hanojo kaj ami ties logxantojn. Via entuziasma partopreno ja estas granda kontribuo al la sukceso de la aktivadoj orientitaj al la miljara jubileo de Thang Long – Hanojo.

Bonan sukceson al vi.

ESTRINO DE ORGANIZA KOMITATO
s-ino VU THI HAI
KONSTANTA VIC-PREZIDANTO DE HANOJA UNIO DE AMIKECAJ ORGANIZOJ
retpoŝte: haufo ĉe fpt.vn