TEJO | Tutmonda Esperantista Junulara Organizo ‹June kaj Kune›

Reprezentu vian landan asocion kaj/aŭ TEJOn en la 7a Foiro pri Edukaj Iloj de SALTO-Youth!

SALTO-YOUTH proponas trejnseminarion pri projektumado kaj EU subvencioj.

6-13 Aprilo 2013 | Palermo, Italujo

Por partoprenantoj el: landoj de YiA Programo

Rekomendita por: projekt-mastrumantoj, trejnistoj, junulargvidantoj;

Laborlingvo: angla;

Organizanto: YouNet

Limdato por aliĝi: 15a de septembro 2012

SALTO-YOUTH invitas vin al trejnkurso pri junulara aktivado kaj volontulado.
La trejnado celas antaŭenpuŝi volontuladon, kaj proponi novajn ilojn, alirojn kaj ideojn por projektoj.

25 Augusto - 2 Septembro 2012, Bankya, Bulgario

Por partoprenantoj el: Armenia, Azerbaijan, Bulgaria, Cyprus, Georgia, Greece, Italy, Lithuania, Malta, Moldova, Romania, Slovenia, Turkey, Ukraine

Kandidatiĝu por organizi la 70-an Internacian Junularan Kongreson en via lando! TEJO organizos la kongreson kune kun vi. Limdato por kandidatiĝi estas la 15a 31a de oktobro 2012.

Kiel kandidatiĝi?
Por inviti IJK-n al via lando necesas plenigi invitilon kaj sendi ĝin ĝis la 15a de oktobro 2012.

SALTO-YOUTH proponas trejnkurson pri neformala edukado.
La trejnado celas plibonigi la scion de la partoprenantoj pri la proceso kaj la rezultoj de ne-formala lernado, pri kiel taksi kompetentojn de junuloj, kaj pri uzo de la rekonaj iloj en inkluziviga junulara laboro.

17-23 septembro 2012 - Italio

Por partoprenantoj el: landoj kiuj partoprenas la programon "Youth in Action"

Junaj aktivuloj el tuta Eŭropo renkontiĝos en Pollando por krei ideojn por estonteco de Eŭropo. Temas pri la 7-a Ekonomia Forumo de Junaj Aktivuloj okazonta de la 3-a ĝis l a 7-a de septembro 2012 en Nowy Sącz. Ĉiujare la Forumo engaĝigas 250 junajn ĉefrolulojn de politikaj, ekonomiaj, sociaj kaj aliaj neregistaraj organizoj el pli ol 42 landoj de Eŭropa Unio, Balkanio, Orienta Eŭropo kaj Kaŭkazio. Partopreno en la Forumo eblas post aliĝo kaj transiro de rerutado. Limdato por kandidatiĝi estas la 26-a de junio 2012. Aliĝilo troveblas ĉi tie. Pliajn informojn pri la forumo serĉu ĉe forum-leaders.eu.

La Konsilio de Eŭropo, kunlabore kun la Eŭropa Junulara Centro de Strasburgo invitas vin al la Junulara Asembleo 2012, kun la temo "Junularo kaj Demokratio".

Paweł Fischer-Kotowski el Pollando, Wang Shanshan el Ĉinio, Ronald Baby González el Kubo/Hispanio kaj Magnus Henoch el Svedio/Britio estas novaj Komitatanoj B de TEJO. Ili estis elektitaj per balotado de Individuaj Membroj de TEJO okazinta marte kaj aprile, kaj oficos de junio 2012 ĝis majo 2014.

La 9an de junio okazos tutmonda sesio de la KER-ekzamenoj (pri lingvo-scioj laŭ la Komuna Eŭropa Referenckadro). Laŭ la alvokoj 25 organizaĵoj el 13 landoj anoncis sian intencon organizi sesion en tiu tago. Ĉu vi jam ekzameniĝis? Kaze de sukcesa ekzameno je nivelo C1, TEJO redonas nun al siaj membroj 7,50 eŭrojn de la ekzameno-kostoj (15 € se estas kompleksa — skriba kaj parola — ekzameno).

Ni tre ĝojas anonci la ĉijarajn gajnantojn de la Partoprenu IJK-n konkurso. Venis entute 10 kandidatiĝoj kaj la estraro de TEJO havis la komplikan taskon elekti la kvin gajnantojn.