TEJO | Tutmonda Esperantista Junulara Organizo

E@I kunlabore kun ILEI lanĉas la projekton "Gvidu la 'Flugilojn'" kaj ĉi-vintre okazigos dum ASo en Pollando www.as.pej.pl ties unuan Seminarion.

La Seminario celas trejni junajn esperantistojn kun la konvena klero instrui E-instruantojn enkadre de la jam konata Seminario "Flugiloj de Malfacila vento". La dujara sperto montris, ke "Flugiloj..." estas utila, ŝatata kaj amase vizitata, ke ĝin volonte akceptus amasaj E-aranĝoj. Tamen ne eblas okazigi ĝin tiel ofte, kiel necesus, ĉar mankas instruistoj-gvidantoj. Do, ni alvoku tiujn.

La provizora temaro de "Gvidu..." estas la jena:

- konatiĝo kun la sperto de la okazintaj "Flugiloj..."
- kuna ellaboro de la programoj (gramatika kaj metodika) por "Flugiloj..."
- ĝustigo de la koncepto kaj organizaj principoj de "Flugiloj..."
- planado de okazontaj "Flugiloj..." kaj distribuo de la gvidantoj por ili.

Postuloj al la partoprenontoj de "Gvidu..." estas la jenaj:

- bona, flua, gramatike ĝusta uzo de Eo;
- pedagogia klero (aŭ sperto de instruado);
- preteco vojaĝi al amasaj junularaj aranĝoj por gvidi tie la "Flugilojn";
- membriĝo al ILEI dum ASo.

La gvidantoj de "Flugiloj..." ricevados financajn subvenciojn
por sia laboro dum la konfirmitaj internaciaj E-aranĝoj.

La grupo de "Gvidu..." en ASo ne devas esti pli ol 12-homa.

Do, estimataj samideanoj, se vi opinias vin taŭga kandidato aŭ konas taŭgajn kandidatojn por la pola (dum ASo) aŭ la ekvaj "Gvidu...", bv retumi al la kunordiganto de la Seminarioj Irina Gonĉarova: mirinda.strigo ĉe gmail.com

La kandidatoj ricevos la Aliĝilon kaj necesajn rekomendojn.