TEJO | Tutmonda Esperantista Junulara Organizo

Publikigonivelo (p)

La informojn en la adreslistoj ni aperigas laŭ la publikigonivelo (p) kiun la gastiganto indikis sur la aliĝilo aŭ la respondilo. Ekzistas 5 niveloj (1p-5p):

1. Mi ne permesas aperigi miajn informojn
2. Mi permesas aperigi miajn nomon kaj kondiĉojn, sed ne miajn kontakteblecojn (adreso, telefonnumero, retadreso ktp.)
3. Mi permesas aperigi miajn nomon, kondiĉojn kaj retadreson, sed ne miajn ceterajn kontakteblecojn
4. Mi permesas aperigi ĉion, kondiĉe ke nur uzantoj de Pasporta Servo rajtas vidi tiujn informojn
5. Mi permesas aperigi ĉion, kaj ĉiu Internetuzanto rajtas vidi tiujn informojn

La indiko "publikigo ne permesita" aperas anstataŭ la nepublikigeblaj informoj. Por tiuj kiuj ne (jam) indikis nivelon aperas "publikigonivelo ne indikita", kaj ni traktas tion kiel nivelon 2. Por provizore faciligi nian laboron, ni traktas nivelon 5 kiel 4.

Reta konFirmo (f)

Ni ĉiujare petas konfirmon de ĉiu gastiganto por la venonta eldono. Se aperas "1f", la gastiganto permesis al ni fari tion per retpoŝto (kio ŝparas al ni multajn afrankojn!). Se aperas "0f" ni petas konfirmon per malrapida kaj multekosta paperpoŝto.

Pli da adresinformoj nur por posedantoj de la adreslibro

Ni ne publike aperigas adresojn por eviti misuzon de tiuj adresoj por komercaj aŭ varbaj celoj. Nur tiuj kiuj posedas la paperan adreslibron de Pasporta Servo, povas peti pli da adresinformoj. Por tio, en la TTT-nomo de la antaŭa paĝo (kiu enhavas la mapon kaj la liston), anstataŭu "map" per la lasta vorto sur paĝo 7 de la papera adreslibro de Pasporta Servo. Ekzemple, se la nomo de paĝo estus "http://www.tejo.org/eo/ps_map_afriko", kaj se la vorto en la papera adreslibro estus "frue", vi petu paĝon "http://www.tejo.org/eo/ps_frue_afriko".

Retadresoj kaj hejmpaĝoj ne rekte uzeblas

Montriĝis ke pli kaj pli da personoj kiuj aperas en Pasporta Servo spertis grandskalan aŭ aŭtomatan misuzon (spamado) pro aperigo de la retadreso en la hejmpaĝo. Pluraj personoj eĉ petis forigon pro tio. Tial, ĉiuj Pasporta Servo-adresoj en la hejmpaĝo nun havas formon kiu malfaciligas spamadon.

El retadreso forigu la du signojn ĉirkaŭ la @-signo:
nomo1@cadreso.com -> nomo@adreso.com
El hejmpaĝo forigu la signon post la unua punkto:
http://www.fadreso.com -> http://www.adreso.com

Mi bedaŭras ke tio ankaŭ malfaciligas vian privatan uzon, sed provizore mi ne vidas alian solvon.

Krome, mi insiste petas vin ne aperigi la retadreson de Pasporta Servo sur Internet-paĝoj, por eviti spamadon de tiu ĉi retadreso. Se vi volas informi pri Pasporta Servo, simple uzu ligon al la hejmpaĝo ("http://www.tejo.org/eo/ps"). Se vi nepre volas mencii la retadreson, faru tion nur en la formo "paspserv2005@wxs.nl", do kun la aldonaj ciferoj, por eviti spamadon de tiu ĉi retadreso. Tiun formon mi ankaŭ uzas en la hejmpaĝo.

Diakritajn literojn

Bonvolu pardoni la fakton ke ni uzis kodojn por reprezenti kelkajn diakritajn literojn.