TEJO | Tutmonda Esperantista Junulara Organizo

Ĉu vi ŝatus partopreni la ĉi-jaran IJK-n, kaj revas ekhavi unikan sperton en la unika lando Kubo –– sed la flugokosto detenis vin de definitiva decido? Ne plu hezitu, venu al IJK!

Jen via ŝanco vojaĝi al Kubo : ni ĝojas informi, ke la partoprenantoj de la IJK povas ĝui tre signifan rabaton, flugante per Cubana de Aviación, 80-jara kuba flugkompanio. La netaj prezoj el Eŭropo (kun impostoj laŭ prezoj de decembro 2009) estas:
Parizo   300 EUR (+242.42)
Madrido   390 EUR (+289.75)
Londono   270 GBP (+172.20)
Romo   620 EUR (+76.87)
Moskvo   640 EUR (+137.26)
– komparu tion kun plejofte pli-ol-1,000€-aj biletoj el centra Eŭropo ĉe la aliaj kompanioj!
Cubana flugas ankaŭ el diversaj amerikaj urboj kun speciala tarifo por la IJK-partoprenantoj –– la plenan liston vidu ĉe la flugreklamilo.

La kondiĉo por ricevi la rabaton estas elpago de la plena kongresa kotizo (tio servos kiel 'asekuro' vidpunkte de la flugkompanio).
Post kiam vi kotizis, turnu vin al unu el la oficejoj de Cubana listigitaj ĉe [cubana.cu] kaj menciu ke vi estas partoprenanto de la Esperanto-Kongreso(!) en Havano. Se estos peto pri pruvilo, bv. kontaktu la TEJO-oficejon per oficejo@tejo.org , kiu provizos al vi tian.
Ne forgesu ke necesas turista karto por eniri Kubon; tiun vi povas ricevi en Kuba ambasadejo se ekzistas en via lando aŭ helpe de vojaĝagentejo.

La biletoj aĉetitaj ne estos redoneblaj kaj ne eblos flugi per alia kompanio ol Cubana. La oferto estas nome de la flugkompanio kaj validas ĉiuj ties reguloj. TEJO ne respondecas pri la ofertoj nek povas garantii disponeblon, prezojn aŭ kondiĉojn.

Rapidu por profiti la ŝancon de tiom konsiderinda rabato! Cubana havas nur malmultajn flugojn semajne kaj la nombro de lokoj estas ja limigita. Ni ĝojos vidi vin en la IJK!