TEJO | Tutmonda Esperantista Junulara Organizo

... okazos de 21a ĝis 23a de aŭgusto 2009 en Wonju, Korea Respubliko. Jen la detaloj, kiujn sendis al mi nia korea komitatano.

---

Kun granda plezuro, mi informas vin pri Somera Esperanto-Kurskunveno de KEJ, okazonta ekde la 21-a ĝis la 23-a de aŭgusto 2009. Ni organizas ĝin supozante kvardekojn da ĉeestantoj aŭ pli.

Ĉi-jare ĝi okazos kunlabore kun la Esperanto-rondo de univ. Yonsei (Wonju-kampuso), kio montras plifirmiĝantajn rilatojn inter KEJ kaj universitataj E-rondoj. Des pli ĝoje, la partoprenkotizo relative malmulte kostas, danke al koreaj patronoj kaj aŭspicio de univ. Yonsei.

Titolo:

Somera Esperanto-Kurskunveno de KEJ

Dato:

Ekde la 21-a(vendredo) ĝis la 23-a(dimanĉo) de aŭgusto 2009

Loko:

Univ. Yonsei, Wonju(Esperantige Ŭonĝu), Korea Respubliko (ĉirkaŭ 1.5 horojn de Seulo)

Kotizo:

25000 ŭonoj (Eksterlandanoj rajtas ĉeesti tute senpage)

Programeroj (provizoraj):

Kursoj de Esperanto (baznivela kaj meznivela), Prelego pri historio kaj kulturo de Esperantujo, Bankedoj, Ekskurso, Lerni sportodancon de univ. Yonsei...ktp. (pli da aliaj sekvontaj)

Aliĝo:

Sendu viajn nomon, aĝon, sekson, Esperanto-nivelon, kaj aliajn aferojn bezonatajn por vi, al gloro (ĉe) saluton.net.

Plej amike,

Song Ho-young
Prez. de Korea Esperanto-Junularo
Komitatano A kaj Azia komisiito de TEJO