TEJO | Tutmonda Esperantista Junulara Organizo

Dana Esperantista Junulara Organizo, nia landa sekcio en Danio, ĉiujare okazigas dum la grandega Roskilde-Festivalo laborfeston por Esperantistoj el la tuta mondo.

La partoprenantoj devas kelkajn horojn tage labori, kaj por tio rajtas senpage partopreni la festivalon, manĝi kaj loĝi. Estas eta esperantista renkontiĝo ene de granda ne-esperantista internacia festivalo.

Kaj ĵus nun (5an de Junio) oni eksciis, ke rajtas veni 33 pliaj Esperantistoj al la laborfesto.

Eksciu detalojn en la Retpaĝo de DEJO, kaj aliĝu, se vi havas tempon fine de Junio/komence de Julio.