TEJO | Tutmonda Esperantista Junulara Organizo

TEJO popularigas internacian kompreniĝon per renkontiĝoj, edukaj programoj kaj uzo de internacia lingvo, Esperanto.

La organizo defendas kulturan riĉecon de lingva diverseco, homajn rajtojn de lingvaj minoritatoj kaj tutmondan kompreniĝon per facila aliro al internaciaj kontaktoj. Uzo de Esperanto estas kadro de niaj klopodoj.

Ni esperas ke vi ŝatas nian retpaĝaron kaj bonvenigas vin komenti la kontribuojn. Se vi serĉas ne tiom aktualajn novaĵojn vi eble trovos ilin en la forumo.

• Agado
• Dokumentoj

TEJO invitas Vin kandidatiĝi por la organizado de la Internacia Junulara Kongreso en la jaro 2010.
IJK estas plej granda kaj plej grava esperanta junulara renkontiĝo. Ĉi jare ni havas kelkajn novaĵojn kiuj helpos vin prepari kaj organizi IJK-n. Legu pli en la alkrocxita dokumento kaj por ĉiuj demandoj kontaktu estraraninon por IJK Vildana ĉe vildana ĉe tejo.org!

Ni atendas vian proponon!

nome de la estraro,
Vildana Delalic

Ankoraŭ eblas aliĝi al la ĉi-jara Ago-Semajno! Uzu la okazon!
Ĉu vi scivolemas pri la programeroj? Legu pli tie ĉi

La komuna Seminario (KS) okazos en inter la 27-a kaj la 29-a de decembro en Jokohamo! Partoprenas la ĉina, korea kaj japana junularoj kaj ili kore bonvenigas partoprenantojn el aliaj landoj.

De la 20a ĝis la 24a de decembro okazos en Zhongshan, Guangdong (Ĉinio) la 5a Turisma Festivalo. Partoprenos kaj individuaj esperantistoj kaj esperantaj organizoj enlandaj kaj eksterlandaj. La programo sekvas:

La Kompleta Demandaro por Esperantaj Junularaj Organizoj (KODEJO) troviĝas jam en la TEJO-retpaĝo. Ni invitas ĉiujn junularajn esperantistajn organizojn plenigi kaj sendi ĝin.

La informojn petatajn en la demandaro TEJO ege bezonas por esti efektiva funkcianta tegmento super internacia reto. Koran dankon pro via kunlaboro!

La venontan jaron okazos kune la Germana Esperanto-Kongreso kaj la 8a Eŭropa Esperanto-Kongreso en Herzberg am Harz (Germanio). Ĉi tiun duoblan kongreson okazigos la Germana Esperanto-Asocio kaj la Eŭropa Esperanto-Unio de la 28-a de majo ĝis la 3-a de junio.
La ĉeftemo estos "Esperanto por multkultura Eŭropo". Inter la programeroj estas prelegoj, ekskursoj kaj aliaj eventoj por la junularo. Por pliaj informoj, vidu la retpaĝon.

Augusto 2009 - Itala Kongreso en Cassino
2009.08.27-09.03

Itala Esperanto-Federacio invitas vin al la 76a Itala Kongreso de Esperanto en la urbo Kasino, mezvoje inter Romo kaj Napolo.

Salutoj karaj amikoj,

Mi ŝatus inviti vin al al famega E-o "radionokto" en la studioj de la radiostacio "Bermudafunk" en Mannheim (Germanio).

Dato: semajnfino, meze de januaro (dato sekvas en la venonta retmesaĝo), 0-a -6-a horo.

La somerkursaro de la Aŭstralia Esperanto-Asocio okazos en Sidnejo, Aŭstralio, inter la 11a kaj la 25a de januaro, 2009. Venu al bela Sidnejo por ĝui ekskursojn, klasojn, prelegojn ktp en esperanta etoso.
Pli da informo vi trovos en la retpaĝo aŭ direktu demandojn al aesk ĉe esperanto.org.au

el blogo de Jose Martins: http://www.ipernity.com/blog/zedaveiro

La Eŭropa Komisiono ene de la 7-a serĉ-programo (2007-2013) vokas al propono por studo pri "Vehiklaj lingvoj en eŭropo en la erao de globaliĝo: historio, politiko, praktiko". Ĉi tiu voko ŝajnas al mi defio al esperantistaj spertuloj por ke ili organizu sin kaj montru la efikon de esperanto.

De: wbejaranomx ĉe hotmail.com

Estimataj:

Ankoraŭ ni troviĝas dum teknikaj pruvoj por produkti esperantajn videomaterialojn en YOUTUBE, ni malfermis specialan kanalon por la prezento de nia laboro, la nomo de la kanalo estas: MEKTV - Meksika Esperanto-Televido
vizitu la filmon, lasu mesaĝon kaj kvalifiku ilin.
dankon.

La kvina numero 2008 de TEJO Tutmonde (pdf) jam legeblas en la Reta Jarlibro http://reto.uea.org/

La reta (plenkolora) pdf-versio de "Kontakto 2008:3" jam haveblas ĉe la Reta Jarlibro de UEA (vizitu http://reto.uea.org/ kaj elektu la sekcion "Teko"). Ĉi numero havas la temon "Edukado tra la mondo".

Mi kore invitas vin kontribui al la sekvaj numeroj, kies temoj estas:

Numero 226-227 (2008:4-5). La ĉef-temo: “TEJO 70-jara”. Se
vi havas kion diri pri nia organizo – rapidu!
Numero 228 (2008:6). Politikaj unioj - ĉu vere unuecaj?. (la limdato 1a de decembro)

Numero 229 (2009:1). La ĉef-temo: “Superstiĉoj, mitoj kaj
popolaj kredoj”. Ĉu vi timas sidi ĉe tabloangulo, se vi ankoraŭ ne havas fianĉon? Aŭ ĉu vi eble tenas aŭgur-kartojn en via tirkesto kaj ĉiutage kontrolas la sorton? Kiaj mitoj kaj kredoj (historiaj, literaturaj aŭ eĉ politikaj) estas popularaj en via lando? Ĉu vere Kokakolao helpas kontraŭ terpoma skarabo? Rakontu pri viaj superstiĉoj, pruvu iun miton aŭ refutu iun miskredon! La limdato – la 15a de decembro.

Ankaŭ alitemaj kontribuoj, proponoj kaj atentigoj estas bonvenaj kaj tre atendataj!

Amike,
Paŭlo Moĵajev, Kontakto-redaktoro

La 14-an de januaro en Karpata regiono de Ukrainio, urbo Chernivtsy, okazos tradicia Vintra Folklora Festivalo Malanka. Ni invitas vin partopreni en la festo.