TEJO | Tutmonda Esperantista Junulara Organizo

Hodiaux mi estas en Krakovo, la unua halto sur mia vojo al IJK. Mi tre gxuis. Mi estas tute sola cxi tie, do mi kun mi mem promenadis-perdigxadis laux la Krakovaj stratoj, rigardis belajn konstruajxojn, ripozis en verdajxplenaj parkoj, vizitis cxarmajn kafejojn... tre placxas al mi cxi tiu urbo. Gxi sxajnas esti tute malgranda urbo, suficxe malmulte da trafiko, ne tiom da asfalto en la centro, sed grandaj parkoj.

Nun miaj piedoj iom lacas, do mi venis en retkafejon kaj lasas anstatauxe la fingrojn labori... restas ankoraux kelkaj horoj gxis ekos la trajno al Budapesxto, la dua halto.