TEJO | Tutmonda Esperantista Junulara Organizo

Du junaj verdaj esperantistoj el Japanio kaj Rusio antaŭ monato venis kun ideo organizi festadon de la Tago de Tero (eo.wikipedia.org/wiki/Tera_Tago) en Lund (Svedio). La ideon subtenis multaj organizoj kaj individuoj, kaj nun ĉiujn partoprenantojn atendas vere grandioza festo en tre amika kaj naturamika etoso! ;-) Vidu EarthDayLund.googlepages.com/home3 por pli detalaj informoj.

La organizantoj kore bonvenigas ĉiujn esperantistojn aliĝi al tiu ĉi aranĝo en Lund la 21an de aprilo, sabate! Senpagan loĝadon en Lund la organizantoj organizos! Estas bone anonci vian partoprenon ĉe Oleg (Oleg326756 FORIGU (0) gmail.com) jam nun, por ke li pli bone priplanu la restadon.