TEJO | Tutmonda Esperantista Junulara Organizo

Post kunveno en 2006 kaj 2007 Ralph Schmeits kaj Twan Gremmen denove invitas vin por viziti la Helmondan regionon je sabato la 13a de septembro 2008.
Post ekskursoj en la centro kaj al nova kvartalo de la urbo ni volas kun vi viziti kelkajn specialajn lokojn en la ĉirkaŭaĵo. Ĉijare ni faris la programon kune kun esperantistoj el Nuenen kaj Eindhoven (ankaŭ la Eindhovena klubo havos samtempe sian somerekskurson) Ni volas krei agrablan okazon por renkonti unu la alian kaj por babili Esperante. Ni kore invitas vin kun aliaj esperantistoj el Nederlando, Belgio kaj Germanio.
En 2008 ni volas montri la ruran medion de Vincent van Gogh en en kaj cirkaŭ Nuenen.

Ni proponas jenan programon:
10.30h – 11.00h Kunveno, teo kaj kafo en la vilaĝbiendomo Teksistetkorto [dorpsboerderij Weverkenshof] en Nuenen.
11.00h – 12.00h Vizito al la Vincent van Gogh arkivcentro; ekspozicio kun eksplikado.
12.00h – 12.30h Promenado kun eksplikado preter Van Gogh lokoj.
12.30h – 14.00h Pikniko en La Parko.
14.00h – 16.00h La posttagmeza programo ankoraŭ ne estas definitive fiksita. Eble ni vizitos interesan akvomuelejon, sed pliaj detaloj sekvos.
16.00h – 17.00h Trinkaĵo en Nuenen (dependas de la antaŭa programero).
17.00h – 19.00h Vespermanĝo.

La programo estas fleksiĝema en tiu senco ke laŭdezire vi povas elekti partojn. Bonvolu indiki kun via aliĝo ĉu vi volas vespermanĝi.

Kostoj La trinkaĵo kaj vespermanĝo estas precizigeblaj per – kaj por la konto de – la partoprenantoj. La aliaj programeroj estas senpagaj.

Aliĝo kaj pli Plusendi la inviton al aliaj interesatoj estas permesita!! Aliĝo antaŭ la 6-a de septembro per info ĉe twangremmen.nl aŭ +31 (0)492 544 472. Bonvolu sciigi viajn nomon, retadreson aŭ telefonnumeron, la nomojn de akompanantoj, kaj intereson pri vespermanĝo. Ankaŭ sciigu se vi volas veni per trajno (al Eindhoven).
La membroj de Esperanto-Klubo Eindhoven povas aliĝi ankaŭ ĉe Ru kaj Katrin Bossong: 040 – 211 41 62.
Ĉirkaŭ la 6-a de septembro ni sendos al aliĝintoj liston de partoprenontoj kaj itineron por atingi Nuenen.
Se vi havas demandojn, sciigu! Ankaŭ se neesperite vi ne povas aŭ volas partopreni, bonvolu sendi mesaĝeton al ni.
Korajn salutojn, Ralfo [Ralph] kaj Tvan [Twan]