TEJO | Tutmonda Esperantista Junulara Organizo

Ni vivas en la epoko de tutmondiĝo - kiam la tempo kaj spaco ŝrumpas kaj kiam tio, kio okazas ie en la mondo, tuŝas ankaŭ nin. Kion portas al ni tutmondiĝo - ĉu dominadon de unu kulturo kaj neniigon de malpli grandaj kulturoj? Aŭ tamen "ŝancon, kaj ne minacon" - diversecon, dividon de scioj kaj multkulturecon? Ĉio dependas... Kaj pri ĉio ĉi ni parolos en la kvina numero de Kontakto, kiu temos pri Tutmondiĝo. Sed por ke tiu numero estu bona, ni tre bezonas *viajn kontribuojn*!
Kontribuu! La limdato estas la 15-a de oktobro.

Ĉiuj viaj artikoloj, ideoj, sugestoj kaj proponoj estas pli ol bonvenaj, kaj la redakcio pli ol volonte respondos ĉiujn viajn demandojn!

Amike,
Ĵenja Amis, Kontakto-red.
kontakto @ tejo.org