TEJO | Tutmonda Esperantista Junulara Organizo

ĉi-tie fruktoj estas multnombraj, bongustegaj (forgesu pri la fruktoj en via vendejo se vi loĝas en norda eŭropo kiel mi - ili ne havas ŝancon) kaj ĉie-haveblaj. hodiaŭ mi provis por mi novan frukton kun la vjetnama nomo chom chom [ĉom ĉom] - ĝi havas multege da duretaj haretoj ekstere kaj ene molan blankan fruktan viandon kun dolĉa gusto. plej interesa estas la indonesia nomo (laŭ la klarigo kion mi ricevis): rambutan. vi ja ĉiuj konas orangutan, unu el la simioj. en la indonesia la vorto signifas "arbarulo". rambutan signifas "barbulo" (nun ek al vi lingvistoj - mi ja ne estas - por trovi la similaĵojn ;-)). mi metos foton (se mi ne forgesos) dimanĉe kiam mi revenis hejmen.

pli serioze, mi hodiaŭ renkontiĝis kun la kvara subtenanto de la ijk, la hà nội-a unio de amikecaj organizoj (unu el la esperanto instruistoj klarigis al mi hieraŭ iomete pli detale pri la unioj de amikecaj organizoj. ilia tasko estas interalie antaŭenigi la (inter)popolan diplomation kaj pro tio ili ankaŭ tiom forte subtenas la ijk-n. la (inter)ŝtata diplomatio estas farita de la ministerio pri eksterlandaj aferoj). ĉiukaze, huao, la hà nội-a unio de amikecaj organizoj, ne nur gravas pro sia subteno al la ijk, sed ankaŭ, ĉar ili okazigas la ĉiu-jaran konkurson "hanojo - via rendevuejo" okaze de la miljara jubileo de hà nội (la konkurso estis lanĉita en 2000). la konkurso konsistas el kelkaj demandoj pri hà nội-oj (unu el la ses lingvoj en kiu oni respondu estas esperanto) kaj estas pluraj premioj. pliaj informoj troveblas ĉe www.haufo.org.vn/data/thumoi_es.htm aŭ hanea.vnn.vn. post la kunsido kun huao estis tempo por la preso... du televidkanaloj intervjuis min kaj ankaŭ venis kelkaj ĵurnalistoj.

posttagmeze ni lkk-kunsidis pri limdatoj, invitleteroj kaj presaĵoj. viaj konfirmiloj estos sendota fine de majo kaj tiuj el vi kiuj petis invitleteron ricevos retan version venontsemajne kaj paperan fine de majo (ne ĉiuj aliĝintoj donis ĉiujn necesajn informojn kaj tio prokrastigis la proceson, ĉar ĉiuj leteroj nur kune povas iras al la ministerio). cetere, por ekhavi vizon al vjetnamio ne nepre signifas ke vi bezonas invitleteron. plej bone estas informiĝi en la plej proksima vjetnama ambasadejo (se vi loĝas en skandinavio, tio estas en kopenhago, en germanio en berlin) - mi vidis kelkajn invitleterpetojn de germanoj, do pro tio iomete miris... ĉiukaze ne tro prokrastu la vizpetadon (se vi bezonas - skandinavoj ekz. ne bezonas por restado malpli ol 15 tagoj - tamen telefonu kaj konfirmu tion ĉe la ambasadejo) ĉar ĉiam povas ekesti atendtempojn...

la tago bone finis kun promenado tra la nokta bazaro en la malnova kvartalo (dum la ijk estos ekskurso tien dum unu vespero) kun plej diversaj aferoj (de vestaĵoj, sunokulvitroj kaj kd-oj al diversaj fruktaj dolĉaĵoj, vjetnamaj memoraĵoj kaj döner kebab - sufiĉe similis al la berlina varianto...). ni ankaŭ manĝis glaciaĵon (bananova gusto - bongusta) kaj mi eksciis ke la ruĝa huc-ponto al la ngoc son templo havas la kromnomon "salikoko" (kuirita, ĉar ja ruĝas) ;-))

bone, mi iru paki kaj poste dormi. morgaŭ jam estas mia lasta tago ĉi-tie :'-( kaj vespere mi flugos hejmen. la tempo ĉi-tie tro rapide pasis :-( sed baldaŭ ja estos la ijk (kaj vi ja certe aliĝis - www.tejo.org/ijk! ;-)

ijk-aj blogoj:
denove bangkok
ĉom ĉom, rambutan, orangutan kaj barbuloj
pri diplomoj kaj testudoj
danceja "traumfabrik"-o
kafo kaj te'... ;-)
alvenis!
survoje al hà nội

fotoj: picasaweb.google.com/wickstroem/HNIKajIjk