TEJO | Tutmonda Esperantista Junulara Organizo

Karaj IJK-partoprenontoj,

ni estas eta grupo kiu planas bicikli al IJK.

La planata itinero estos jena:

- komenco en/apud Munkeno, Bavario, suda Germanio
- daŭrigo laŭ la rivero Isar
- daŭrigo laŭ la rivero Danubo (tra Passau, Linz, Vieno)
- suden al Szombathely

La revojon ni veturos trajne (nur eble bicikle ĝis Vieno).

Ni ne planas ege sportecan vetkuron sed agrablan biciklumadon, depende de la vetero eble inter 80 kaj 120 kilometrojn tage, nur laŭ ebloj de la plej malrapida :). Ni ankaŭ planas foje naĝi aŭ rigardi pejzaĝon kaj vidindaĵojn. Entute ni planas bicikli dek tagojn, do inter la 17a kaj 26a de julio por alveni ĝustatempe en Szombathely.

Por tranokti ni kunportos tendon, se vi decidas aliĝi, vi mem zorgu pri loko en tendo aŭ propra tendo.

Ĝis nun planas kunbicikli almenaŭ Robert Weemeyer (32 jaraĝa), Carolin Hötzl (25), Antonia Marker (novulino, 19jaraĝa), kaj estas kelkaj aliaj kiuj ankoraŭ pripensas.

Se vi interesiĝas, bonvolu sendi privatan mesaĝon al mia retadreso carolinverena ĉe gmail.com.

Amike,
Carolin

--
Internacia Junulara Kongreso (IJK) estas ĉiujara aranĝo de Tutmonda Esperantista Junulara Organizo (TEJO).