TEJO | Tutmonda Esperantista Junulara Organizo

Saluton,

ekde hodiaŭ mi, Paŭlo Ebermann, estas TEJO-volontulo. Mi anstataŭas la ĝisnunan volontulon Federico, kaj laŭplane restos ĝis fino de somero aŭ komenco de aŭtuno, kiam eklaboros nova volontulo kun normala daŭro.

Por iom prezenti min: Mi ĝis nun loĝis en Berlino, Germanio. Mi eklernis Esperanton fine de 2001, kaj baldaŭ poste ekaktivis en Germana Esperanto-Junularo.
Mi tie laboris inter alie en la interreta komisiono, en la oficejo kaj por organizado de Internacia Seminario.
En GEJ mi daŭre estas estrarano, sed mi faros miajn GEJ-taskojn ekster mia TEJO-labortempo.

Krome mi kunorganizas la ĉi-jaran IJKon en Liberec - tion mi eble nun faros parte en mia labortempo.

Ekster Esperantujo mi studas Matematikon kaj espereble tie baldaŭ pretos (mi klopodas verki mian diploman tezon ĉi tie).

Paŭlo

Attachment	Size
pauxlo-2006-12-06-malgranda.jpg	63.26 KB