Ni ĝojas anonci ke la 78-a Internacia Junulara Kongreso IJK 2022 okazos en De Roerdomp – Westelbeers, Nederlando!
“La loko estas vere mojosa, kiel propra vilaĝo kun esperantistoj”, diras la ĉeforganizanto Rogier Huurman. “Ni estas bone preparitaj kaj multe da laboro estas jam farita”.
La IJK 2020 devintus okazi en Nederlando, sed pro la pandemio, la ĉeesta renkontiĝo estis nuligita. La teamo, tamen, sukcese organizis la eventon rete.

TEJO dankas ankaŭ la kandidatojn, kiuj ĉi-foje ne estis elektitaj.