Retoso estas la reta evento de TEJO organizita de junuloj kaj por junuloj, kaj ĝi okazos inter la 27-a kaj la 30-a de Oktobro. Ĝi donos al la homoj la eblon amuziĝi, lerni kaj renkontiĝi kun (novaj) amikoj en Esperantujo per la interreto.

Vizitu la retejon de la evento kaj trovu pli da informoj (programo, aliĝilo, ktp.).

Se vi ŝatas amuziĝi, ludi kvizojn, partopreni en prelegoj aŭ diskutrondoj, aŭ koncertumi: Retoso bonvenigas vin! La evento enhavos la plej malaĉan programon, tre diversan kaj plenan je koncertoj, atelieroj, prelegoj kaj interagaj programeroj.

Partopreni estas tute senkosta por ĉiuj! Klaku ĉi tie por aliĝi! Se vi uzas Telegram, vi povas jam antaŭĝoji nian grupon ĉi tie.