Home > Aliaj > Kontribuu al video por la Zamenhofa Tago 2018

Partoprenu en la video de TEJO por ĉi-jara Zamenhofa Tago!

Por festi la Zamenhofan Tagon kaj sciigi homojn pri Esperanto kaj la vigleco de nia movado, ni kreos videon kies temo estas “Esperanto estas mojosa!”

Ni bezonas vian kontribuon kaj vian kreemon!

Kiel kontribui?

Kial Esperanto estas mojosa? Faru filmeton kaj diru al ni!
Estu kreemaj! Kion vi faris danke al Esperanto? Ĉu vi vojaĝis, ĉu vi trovis novajn amikojn, enamiĝis, lernis ion novan, havis interesajn aŭ amuzajn spertojn? Jen kion ni volas scii!

Sed… vi havas nur 15 sekundojn!
Do bone pripensu kion vi volas rakonti!

En kiu lingvo mi parolu?

Ĉar ni ĉiuj subtenas lingvan diversecon kaj por ke la filmeto estu kiel eble plej diversa kaj mojosa, vi povas fari la filmeton en via nacia lingvo, en Esperanto, aŭ ambaŭ!
La video enhavos subtekstojn, do ni petas ke vi sendu al ni ankaŭ transskribon de tio, kion vi diris en via lingvo kaj ankaŭ esperantan tradukon.

La filmetoj estos kunmetitaj en granda video kiun ni publikigos la 15-an de decembro okaze de la Zamenhofa Tago. Ni disvastigos ĝin en ĉiuj niaj sociaj retejoj, por ke ĝi atingu kiel eble plej multe da homoj – esperantistoj kaj neesperantistoj.

Resume

1- Faru la 15 sekundan filmeton (la filmeto estu horizontala)
2- Transskribu ekzakte kion vi diris – en via lingvo kaj en Esperanto
3- Alŝutu la filmeton al wetransfer.com
4- Sendu la ligilon kaj la transskribojn al ariel.palmer(ĉe)tejo.org

Limdato por sendi viajn videojn estas la 5-a de decembro 2018.

Ek al la mojoseco!

Teknikaj Rekomendoj
Se vi povas, faru la filmeton en 1080p aŭ 720p-kvalito (HD), horizontale. Purigu la lenson de la poŝtelefono/kamerao antaŭ komenci la filmadon kaj atentu, ke via voĉo estu bone aŭdebla kaj ke estu sufiĉe da lumo.
Se via poŝtelefono/kamerao registras malpli bonkvalite, tio tute ne gravas, faru kaj sendu la filmeton ĉiuokaze! Ni volas vian kontribuon je ĉiu ajn kvalito!

Your email address will not be published. Required fields are marked *

*

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.