TEJO | Tutmonda Esperantista Junulara Organizo

TEJO popularigas internacian kompreniĝon per renkontiĝoj, edukaj programoj kaj uzo de internacia lingvo, Esperanto.

La organizo defendas kulturan riĉecon de lingva diverseco, homajn rajtojn de lingvaj minoritatoj kaj tutmondan kompreniĝon per facila aliro al internaciaj kontaktoj. Uzo de Esperanto estas kadro de niaj klopodoj.

Ni esperas ke vi ŝatas nian retpaĝaron kaj bonvenigas vin komenti la kontribuojn. Se vi serĉas ne tiom aktualajn novaĵojn vi eble trovos ilin en la forumo.

• Agado
• Dokumentoj

TEJO ĝojas anonci, ke la 67-a Internacia Junulara Kongreso okazos en Ukrainio. Tio estis decidita dum lasta reta estrarkunveno.

Temo proponita por la kongreso estas "Stabila evoluo - nova koncepto por homaro". La aranĝo okazos julie 2011 proksime de Kijivo, ĉefurbo de Ukrainio. La organizan teamon kreos UkrEA (Ukrainia Esperanto-Asocio) kaj ULEJ (Ukrainia Ligo de Esperantista Junularo). Tio estos la unua IJK en Ukrainio. La kongresejo troviĝas proksime de la Kijiva akva rezervejo.

Cetere, la 66-a Internacia Junulara Kongreso okazos en Kubo. Pliajn informojn pri ĝi serĉu ĉe la paĝaro tejo.org/ijk/2010.

TEJO tutmonde numero 137 (2009:5) pretas, sendotas kaj jam disponeblas en la teko de UEA!

Kiel vi eble rimarkis, TEJO Tutmonde spertas nun iom da malfruo, kiu normale malaperos dum la jaro 2010.

Se vi ne (plu) povas eniri la tekon, eble estas ĉar vi ne (re-)membriĝis por 2010! Vizitu tiun paĝon por malkovri la avantaĝojn de la membreco al TEJO. Ĉi-tie, vi trovos retan aliĝilon.

La 21-a Internacia Junulara Semajno (IJS) 2010 okazos en Pécs ["peĉ"], Hungario, inter la 3-a kaj 9-a de aŭgusto.

Ĉu vi ŝatus havi neforgeseblan someron, amuziĝi kaj interkonatiĝi kun aliaj esperantistoj?

Venas la tempo por kandidatiĝi kiel Komitatano B de TEJO por la oficperiodo de la 1-a de junio 2010 ĝis la 31-a de majo 2012.

Ni ĝojas anonci ke la fonduso "Partoprenu IJK-n" denove povas helpi al membroj de TEJO partopreni la Internacian Junularan Kongreson - ĉi jare en KUBO!!!

La adreslibro 2010 de Pasporta Servo nun estas survoje! Preskaŭ 800 gastigantoj ricevis la adreslibron. Ĉar okazis problemon kun la poŝto en 2008, ĉiuj kiuj rajtis havi ĝin ricevis cxi tiu adreslibro de 2010 (ankaŭ kelkaj kiuj membriĝpetis en 2009).

En Kubo, ne nur okazos UK kaj IJK!

Krom kursosemajno okazonta antaŭ UK en Havano, la amerika komisiono de ILEI okazigos seminarion por instruistoj en Matanzas, kies informoj estas videblaj tie. TEJO aktive partoprenos en la programo proponante aktivulan trejnadon, tiel ke ĝi estos ankaŭ interesa por aktivuloj!

Kandidatiĝu por organizi la 67-an Internacian Junularan Kongreson en via lando! TEJO organizos la kongreson kune kun vi. Limdato por kandidatiĝi estas la 31-a de januaro 2010.

Kion TEJO faros?
- preparos kun vi buĝeton
- varbos por la evento
- provizos retpaĝaron, aliĝsistemon, datenbazon, tasklistojn, vikion
- helpos pri subvencipetado

Kion via teamo faros?
- trovos kaj traktos kun ejoj
- preparos programon
- surloke organizos
- librotenos
- traktos invitleterojn
- traktos lokajn kontaktojn
- metos informojn en la paĝaron

Kiel kandidatiĝi?
Por inviti IJK-n al via lando necesas plenigi invitilon kaj sendi ĝin ĝis la 15-a de decembro 2009.

Por pliaj informoj kontaktu lukasz ĈE tejo.org (Łukasz Żebrowski).

Jen ĵus elektita emblemo de la 66-a Internacia Junulara Kongreso, kiu okazos inter la 24-a kaj 31-a de julio 2010 en ĉarma kampadejo de Santa Cruz del Norte. Oficialigon de la emblemo baldaŭ sekvos paĝaro de la aranĝo. En la unua duono de januaro aperos tie kotiztabelo kaj aliĝilo. Lige kun tio, kompreneble la unua aliĝperiodo estos pli longa ol kutime kaj daŭros minimume monaton ekde apero de aliĝilo. Tuj antaŭ IJK en Havano okazos la 95-a Universala Kongreso de Esperanto.

 

 

Karaj Legantoj de Kontakto!

Via opinio pri la revuo estas por ni ege grava. Tial ni decidis fari enketon, per kiu ni volas ekscii, kion vi ŝatas, malŝatas kaj volus havi en la revuo. Tio helpos al ni plibonigi Kontakton kaj prepari ĝin ĝuste laŭ via plaĉo.

Se vi tion ĉi povas legi, la translokiĝo de tejo.org al nova servilo sukcesis :-)

Se vi trovos ion, kio ne funkcias, sendu mesaĝon al Paŭlo aŭ la oficejo, aŭ lasu komenton ĉi tie.

La reta (plenkolora) pdf-versio de "Kontakto 2009:4" (232) estas nun disponebla por la abonantoj, ĉe la Reta Jarlibro de UEA, ensalutu kaj elektu la sekcion "Teko").

La nova estraro de TEJO estis elektita dum IJK 2009 en Liberec', Ĉeĥujo. Ĝi unuafoje kunvenis inter la 18-a kaj 21-a de Septembro en Poznano, Polujo. La kunveno havis bonegan fruktodonan etoson, kie partoprenis ĉiuj estraranoj kaj eĉ du volontuloj, eksonta (Paŭlo) kaj sekvonta (Aleks). La estraro de TEJO diskutis kaj trovis solvon por la akraj demandoj de ofte malfruanta Kontakto kaj longe ne aperanta papera versio de Pasporta Servo. Krom tio la estraro de TEJO diskutis kaj decidis pri multaj aliaj temoj rilataj al TEJO-agado, ekzemple IJK, Komunikado, E@I, komisiitoj, KODEJO, retejoj kaj financoj.

Fariĝu konscia subtenanto de TEJO!
Fariĝu patrono de TEJO

Pagante trioblon de vialanda MJ(-T)-kotizo vi ne nur subtenas la esperantistan junularon, vi ankaŭ ĝuas proksiman partoprenon en la junulara movado, ĉar de TEJO vi ricevas: